Il-Kaxxa tal-Ħsibijiet

Kulħadd ikollu bħalha, imma mhux kulħadd jammetti. Ilbieraħ erġajt ftaħtha u sibt mija u wiehed oġġetti li qanqluli memorji mill-passat. Affarijiet li għamluni dak li jien illum, u forsi dak li għad ikun aktar 'il quddiem. Fost dawn l-affarijiet kien hemm dawn:

• University of Malta Graduation Album 2003;
• the Photo Book;
• "today you're 3!";
• biċċa karta żgħira minn dawk li ssib fil-Baci, ftit mgerrma mill-ġenb u li tgħid hekk: "Quei giuramenti, quei profumi, quei baci infiniti, rinasceranno."
• pataflun ta' cards;
• polaroid (imma mhux daqshekk espliċitu);
• kaxxa żgħira bajda, mhux akbar minn id ta' raġel. X'ħin inħarrikha jinstema' ħoss ta xi ħaġa tħaxwex. Mhux ħa nazzarda niftaħha;
• e-mails ipprintjati li xi darba kienu daħlu fuq id-deċedut account li kelli mal-yahoo;
• mitt storja qasira ta' Franz Kafka (dak iż-żmien kien jinteressani bil-kbir);
• postcard ta' The Doors;
• "I came, I saw, I kissed";
• Mug mat tac-Cisk;
• irċevuti tal-VAT;
• katalgu tal-GSUS, collection Spring 2006, b'ritratti pessmi.