Eve

Sometimes digital images are not simply pixels put together like a mosaic - they seem to have a third dimension holding an explosion of metaphors and other allegories which no ordinary eye can identify. This below is one of them... shot by myself towards the middle of summer 2005. The girl is an ex-girlfriend of mine who gently offered to pose for me and the result? One of my favourites shots all throughout my humble experience in the world of photography.

I received all sorts of feedback on this one including; "it screams 'woman'", "it is the ultimate femmininity.. the lipstick reminds you she's a woman and her hand on her belly says fertility. femminine and fertility - only a woman", "it definitely doesn t portray PREGNANCY tho!!", etc.

As Stanley Kubrick said about his 1968 masterpiece "2001: A Space Odyssey", you are free to speculate, as you wish, about the philosophical and allegorical meaning of Eve.

Il-ħolma tal-ġurdien

Forsi jekk tista’ tikteb fuq kollox, żgur ma tistax tikteb ktieb fuq il-ħolm li seta’ kellek. Filwaqt li fihom x’taqra, għax ikunu mżejna b’fantażija liema bħalha, ġeneralment ma jkunux jagħmlu sens la għall-qarrej u lanqas għal dak li joħlomhom.

Dan l-aħħar kelli waħda minn dal-ħolm u se mmur kontra dak li għadni kif għidt; se nirrakkuntaha. Rarissimu niftakar ħolma imma din niftakarha ċara u tonda.

Inzertajt għandi ħabiba li din ta’ madwar 19-il sena qabżitilha d-dar u marret tgħix għal rasha. Ta dik l-età sorprendenti ferm li tfajla maltija tingħalaq bejn erbgħa ħitan meta tqis li l-maġġoranza taż-żgħażagħ maltin bilkemm jaf jaqlu bajda jew iferrgħu kuċċarun minestra. Issa ilha madwar erba’ snin tgħix hekk u ħdejha inħossni żarmuġ peresli bħal qisha mmaturat f’daqqa.

Dil-ħolma kienet dwarha bażikament. Niftakarni noħlom fejn jien u hi konna qegħdin f’xi bar lejn Malta ċentrali u f’xi ħin, għal xi raġuni jew oħra qaltli: “Isma K., tridx torqod għandi illejla? Fiha hassle biex toqgħod tmur id-dar tiegħek…” Jekk qed taħsbu li f’dik is-sekonda minn moħħi għadda xebgħa sess sfrenat, għandkom żball – anzi, stramba kemm hi stramba, dak il-ħin is-sess kienet l-aħħar li għaddietli minn moħħi tant li kull m’għidtilha dak il-ħin kien: “Orrajt”.

F’sekonda sibt ruħi fl-appartament tagħha. Appartment kemmxejn spazjuż… insejt x’kulur kienu miżbugħin il-ħitan… għandikun fil-ħolm qas biss kulur ma tara. Karatteristika li niftakar żgur hi li l-kmamar kellhom soqfa għoljin stil ingliż u bix-xorok.

F’sekonda oħra sibt ruħi b’qalziet ta’ taħt abjad biss (jidhirli għidtilkom diġà hux li s-sess ma daħal xejn f’dil-biċċa?) mimdud maġenbha. Irqadt mill-ewwel u fil-fond (stramba eh li toħlom li qed torqod… paradoss galore).

Wara ftit qomt (fil-ħolma stess) u dort fuq ġenb biex nara hi għadhiex hemm. Tawwalt idejja wkoll imma xejn. Lużar u mħadda b’koċċ tinjiet kull ma kien hemm, u qisu d-dawl li beda jdawwal il-kamra kien kemmxejn musfar. Għorokt għajnejja sakemm il-pupilla ġiet f’postha u f’dak il-waqt, jiġri tul il-ħajt bla heda, rajt ġurdien kannella ftit akbar minn hamster. Il-ġrieden qatt ma bżajt minnhom… imma dak il-ħin kessaħni. Niftakarni bdejt ninkwieta u bdejt naħseb jekk setax għadda minn fuqi waqt li kont rieqed… jew min jaf jekk qagħadx jilgħabli ma xagħari peresli forsi ħasbu xi tip ta’ tiben.

Qomt maħsud minn fuq is-sodda u bdejt miexi lejn il-bieb filwaqt li nsejjaħ lil din ħabibti. Kif noħrog insib taraġ b’puġġaman tal-ħadid u mara ta’ madwar ħamsin sena iżżomm lampa taż-żejt f’idejha, liebsa nightgown bajda kemmxejn imdennsa. Qisha bħal ħassitni u daret minnufih. Kellha xagharha goff u mberfel u għajnejha kienu fil-ħofra. Fl-id l-oħra indunajt li kienet qed iżżomm minn denbu lil dak il-ġurdien li kont għadni kif rajt jiġri fil-kamra. Għamlet wiċċ ta’ waħda inkazzata bl-ikrah u qaltli: “Jekk terġa tgħajtilha lil dik, dal-ġurdien intammaħulek!!”

Daqqli l-alarm u qomt! Issa, jekk hawn xi zingara li tista tirrikorri għal ballun tal-ħġieġ tagħha biex tipprova tispjegali nitfa minn dan t’hemm fuq, tkun qiegħda tagħmilli pjaċir.

SMS

Qatt ġratilkom li kultant jidħlilkom messaġġ fuq il-mobajl u n-numru tiegħu/tagħha ma jkunx fuq il-ktieb tal-indirizzi tal-mobajl? L-ewwel domanda li tfeġġ f’moħħok tkun: “Dan min il-kazz jaħbat?”. Meta rċevejt messaġġi hekk dejjem injorajthom, kont naqa qammiel. Imma illum le. Illum tajtha għal ħala.

Jidħol messaġġ:

X: “U f’got d wrong mam.”
Jien: “Who r u?”
X: “Who r u?”
Jien: “The green monster”
X: “Im d black monster.”
Jien: “We have something in common – we’re both monsters. We can be friends!”

Wara dak irċevejt madwar erba’ telefonati imma ma deherx in-numru. Forsi mingħandu/mingħandha. Injorajthom kollha.

Għaddiet kwarta, komplejt nirċievi:

X: “if u have balls tell me who u r stupid twat.i am 18 yrs old and a good looking female.u tRANSEXUAL JAQAW?” (…)
Jien: “No sense of humour huh?”

Xi kwarta oħra wara reġgħet ċemplet… qabbżittni mogħla pied għax kont qed nara storja fuq l-eżoċiżmu ta’ ċerta Emily Rose u x-xena li nzertat kienet qed tintwera dak il-ħin kellha ammont sostanzjali ta' suspense.

Tfejt il-mobajl. U hekkhu għaddiet ġimgħa oħra…

El sabor de Cuba

Kultant ir-radjos lokali jissorprenduk.

Ilbieraħ, għal xid-8.50pm, waqt li kont sejjer lura d-dar mix-xoghol, bdiet nieżla xita antipatka. Minn dik it-tip ta' xita rqiqa li qisha qatt ma tieqaf, fejn int u għaddej bil-karozza ma tkunx taf jekk hix nieżla xita jew jekk sempliċement ta quddiemek qed jimliek bit-titjir ta' ilma li qed itajjar bir-roti. Ovvjament, ma dix-xita fina kien hemm il-kesħa siberjana li jaf jagħmlu biss l-allat ta' Jannar. U dak il-ħin x'fettillu jdoqq id-DJ? Diski ameriko-latini li ġejjin minn pajjiżi fejn kellhom minn tal-anqas 20 grad aktar mit-temperatura tagħna. Għal mument immaġinajtni b'xi kappell tat-tibna, b'cocktail kull kulur, b'xi mara samra tinbaram fuq ir-ramel - u għal naqa ma blajtx il-bumper tal-karozza ta' quddiemi.

Apparti din, ġraw tlett affarijiet 'simpatiċi' f'dal-weekend li għadda:

i) Kont qed niġri fix-xita (erġajt) f'nofs tas-Sliema biex nipprova ma nsirx qisni fellus... u x'insib mitluqa mal-art bħallikieku kienet qed tistenna lili eżatt kif ħriġt minn bar wara boqqa inbid? Umbrella mitluqa mal-art...nofsha mkissra imma xorta użajtha;
ii) Waqt li sieħbi kien qed jipparkja, kien se jtajjar il-park attendant. L-istramba mhux dik, imma li dan ma niżżilx l'Alla bid-dagħa, anzi, qas waħda mġiddma ma żarrat;
iii) Forsi dan l-aħħar l-films qed jieħdu xejra anqas hollywoodjana u anqas ovvji, imma din kienet gravi. Fl-ewwel nofs siegħa tal-film Constant Gardener id-direttur iddeċieda li jipprova kemm jista' jkun ma jżommx il-kamera stabbli. Dan ovvjament sar bi skop, l-ewwelnett jagħti bixra aktar artistika liċ-ċinematografija u t-tieni biex jittrażmetti sens ta' konfużjoni lil dawk li jarawh. Mela tlett seats bogħod minni jkun hemm tfajla u b'dik il-vuċi antipatka tlissen xi ħaġa hekk: "Xi żball għandu dal-film b'dik il-kamera titriegħed... jew forsi qegħdin iċaqalqu l-projector mis-sala t'hemm fuq?"

b.simple

Today I read an interview done to one of my favourite photographers - Misha Gordin. A photographer born in Soviet territory a year after World War II. Even though the war has been won by the allies the world was still in turmoil and Europe was soaked in blood and ruins at the time.

When asked why he adopted the name "b.simple" for his website he came up with a reply which is, to say the least, enlightening especially considering the fact that his infancy had been garbled, restricted and ripped off by the totalitarian regime in which he was born:

"In my view simplicity is sophistication. To be simple is to have a purpose. To be simple is to be wise. To be simple is to see the essence of things. To be simple is to express yourself with the minimum source. To be simple is to live in peace with nature. To be simple is to know how to make good food without a cook book. To be simple is a gift. To be simple means to be complex."

Kilin

Jumejn ilu (ċioe fl-1 ta’ Jannar tal-2006) ġara inċident li jiġrili spiss f’ristoranti maltin ta’ klassi daqsxejn baxxa. Kont qiegħed ma’ sħabi nikkuntemplaw fuq xi erba’ pizez u biċċa lażanja tbaqbaq meta ddeċiedejna li nieħdu daqsxejn ta’ xarba li tgħinek tniżżel l-ikel goff. Kważi kulħadd mar għal ovvju; jew kapuċċin jew ċikkulata sħuna. Ma kellix aptit densità fix-xarba u ntfajt għal xi ħaġa rjali – ordnajt tè sħun b’felli lumija. Għaddiet xi kwarta u dal-wejter narah ġej, ħa jaqa’ u ma jaqax, b’tè kiesaħ… minn dawk tal-landa! L-idea ta xi ħaġa tajba u sħuna farrakhieli dan l-imbranat – fakkarni f’dik il-kesħa minflok, dik il-perfida. Insomma, m’aċċejtajtux u tlabtu jġibli dak li ridt jien u hekk sar.

Waqt li l-oħrajn bdew ixarrbu xufftejhom ta fuq biċ-ċikkulata mdewba, jien bdejt inħoss il-lumija imermra kull darba taħbat mad-daqsxejn ta’ leħja ‘l għandi. Kelma bdiet iġġib lill-oħra u b’xi mod il-kliem waqa’ fuq Kilin u l-immaġinazzjoni fertili ta’ dal-bniedem. Inzerta kien hemm wieħed fostna li għandu xi seba’ kotba tiegħu u f’ħakka t’għajn iddeċiedejna li mmorru nżuruh fil-bejta tiegħu. Tal-mistħija din, imma jien kull ma qrajt tiegħu kien ktieb wieħed, u għax ta’ bilfors. U lanqas m’għandi ppjanat li naqra xi ħaġa tiegħu; bħalissa mehdi wisq fuq l-Ibleh u Il-Gaġġa – daqsxejn psikadelija ma għamlet deni lil ħadd.

Stramba li t-tieni ħarġa tiegħek tas-sena tkun ma xiħ ta 75 sena, imma insomma, xi ħaġa mhux tas-soltu, wara kollox mhux dak hu li kulħadd ifittex? i.e. li ma jkunx ordinarju?

Ftehemna ħin u ilbieraħ xil-ħdax ta' filgħodu qadt nistenna lil sieħbi jiġi jfehemni fejn. Wasal fil-ħin u dħalna. Mal-ewwel sibnieħ kieku. Laqagħna bid-daħka tiegħu tas-soltu u bħal donnu mill-ewwel induna għalxiex konna ġejna... pero kienet ħasra li dan Kilin deher estremament imħabbat. Deher qisu miġnun, kien qisu qed jarana dimonji! Tefagħna f’biċċa fetħa (mank f’kamartu!) u inġbarna qaqoċċa quddiemu naraw nakkwistawx xi biċċa għerf imma ħlief kemm ikkritikawlu Tinsiex, Publivs, Tinsiex!, kemm hu sabiħ ir-Rabat ta’ Malta u kemm raħal twelidi hu bla storja ma smajniex. Ma neżagerax jekk ngħid li ma domniex aktar minn għaxar minuti… naħseb kieku morna nkellmu lill-President konna ndumu aktar avolja nismagħhom jgħidu li dak dejjem b’aġenda mbullata; daqqa jaqta’ żigarella ‘l hawn u daqqa jiġbed biċċa ħabel ‘l hemm. Keċċiena bil-pulit ‘għax kien ġej iżuru t-tabib’ u bqajna b’xiber imnieħer.

Dejjem nismagħhom jgħidu li x-xjuħ (le, ma rridx nuża l-kelma ‘anzjani’, bħallikieku jekk tgħajjat lil xi ħadd ‘anzjan/a’ flok ‘xiħ/a’ se tnaqqaslu/tnaqqsilha xi nofs tużżana tikmix, apparti li mhix kelma semitika) jittalbu biex darba kultant jiġi jżurhom xi ħadd u jgħidu kelmtejn magħhom – dan deher l-oppost. Jew forsi għax VIP?

U hekkhu din kienet l-ewwel delużjoni tas-sena… naraw x’hemm aktar lest għalija f’dawn it-363 ġurnata li baqa’.