Awrina u purtinara

BIRD ISLAND — BOLD school officials are investigating an incident in which a teacher reportedly forced the male students in her kindergarten class to clean a restroom that had been smeared with feces. The incident occurred March 14. It came to the attention of school officials when the parents of one of the kindergarten students contacted the elementary principal and the superintendent. <...sors...>

Fakkritni meta kull meta ridt immur inbattal daqsxejn fil-lokijiet tal-iskola primarja, sekondarja u post-sekondarja kien ikolli naqsam nixxiegħa bewl biex nasal għaċ-ċeramika. Fl-iskola primarja kien hemm min donnu kien jieħu gost joqgħod jara l-awrina ttir mal-ħitan biex imbagħad tiġi l-purtinara tgħajjat li lanqas m'aħna kapaċi nimmiraw. Għadni niftakarha... il-purtinara. Kienet mara vera kbira, miftuħa, xagħarha iswed tuta dejjem miġbur toppu, snienha daqsxejn żmagati imma b'vuċi qawwija u soda. Kont kważi nibża' minnha u forsi kieku kienet raġel ma kontx ngħid 'kważi' imma kont inkun konvint li nibża'. Kienet tiġi wkoll tqassmilna l-ħalib u allaħares xi ħadd minnha jeqleb il-ħalib mal-art għax-xenata sħiħa. Waqt li kienet tferralna kont noqgħod inħares lejn l-arloġġ li kellha mdendel man-naħa xellugija ta' sidirha. Jien qatt ma stajt narah sew għax mill-angolu tiegħi kien jidher rasu l-isfel, pero hi kemm ittih daqqa t'għajn u kienet tgħidlek il-ħin. Arloġġ apposta li jużawh dawk li xogħolhom jaħslu u jxarrbu kontinwament idejhom. B'hekk ma jkollhomx għalfejn joqogħdu jinżgħu u jxiddu. Gadget interessanti daqskemm hu interessanti l-kappell tal-koki.

Kultant ġieli naraha ddur lejn l-inħawi tal-iskola - naħseb għadha taħdem hemm - imma tgħid għadha daqshekk terribli?

Sanguineus

Id-demm u l-makabru minn dejjem kien jogħġobni. Meta kont għadni nitfa, ktieb bl-istejjer tal-orrur dejjem kien jattirani aktar minn ktieb ta' Robin Hood jew ta' Peter Pan. Saħansitra kont nara li ma nitlifx episodju wieħed mis-serje Tales from the Cryptkeeper sakemm imbagħad għal nofs is-snin disgħin faqqgħet it-trend tal-X-Files u kulħadd beda jara l-UFOs.



Naf ukoll b'fotografa li l-ispeċjalità tagħha hija propju fotografija makabra. Jisimha Jenni Tapanila u fil-website tagħha għandha kollezzjoni vasta ta' dawk l-affarijiet li qatt m'int se tara f'magazin ta' mara tad-dar. Xi kultant ċerti ideat ma nafx minn liema parti tal-univers iġġibhom.


Pero dal-faxxinu li għandi majna kemmxejn wara esperjenza li għaddejt minnha dal-weekend. Kull min kien Paceville il-ħadd filgħodu għal xis-1:00am seta' jassisti għal xena makabra ta' ġlieda barbara li ġrat preċiżament quddiem Al Pacino take away, magħruf aktar bħala 'Jimmy'. Persuna b'xagħarha mqaxxra u bi flokk taċ-ċingi abjad (ala American History X) bdiet issawwat persuna oħra li, jekk rajt sew, kienet ta' kulur iswed. Imġieba estremament annimaleska fejn il-persuna li bdiet issawwat dehret tixxuttja (litteralment) ras il-vittma filwaqt li l-vittma kienet wiċċha mal-art tipprova tevita d-daqqiet. Il-persuna ta' kulur iswed kienet miksija bid-demm, kompletament. Kulħadd deher ixxukkjat, ħadd ma ried jinvolvi ruħu. Jien ukoll nammetti ukoll li lanqas flaħt immexxi muskolu nara lil dak il-povru jiġi imbiċċer f'dik il-pjazza. Kont qed nistenna li minn xi mument għall-ieħor se jikkawżalu emorreġġija interna u jħallih hemm jgħum f'għadira demm. Wara li dak l-annimal xebgħa jtih ġo rasu, poġġa sieq minnhom fuq l-imsejken u qata' jdejh lejn kull min kien qiegħed iħares lejh. Fortunatament fl-aħħar tfaċċaw il-pulizija. Erba' minnhom marru jiġru wara l-barbaru u wieħed qagħad mal-vittma l-ieħor.

Għandna għalfejn ninkwetaw... ninkwetaw li l-moħħ flok ma jevolvi kultant jiddeċiedi li jagħmel ċajt ikrah.

Scarlet Diva

Kont f'ambjent mimli dħaħen tas-sigaretti, mużika blues mill-aħrax u bi kreaturi li huma la creme de la creme. Rajt film... Scarlet Diva; interpretatu u ddiriġietu Asia Argento.



Kumment wieħed biss: "No Asia, i film non si fanno così!"

La Sicilia

Il-bloggata ta' Pierre fakkritni fil-mawra li kelli jien Sqallija (apparti f'Mina) lejn nofs is-snin disgħin. Se nipprova nirrakkonta ftit tentufiet minn dak li niftakar.

Ziti (propjament kuġina t'ommi imma tant hi close mal-familja tagħna li drajt insejħilha 'zija') kellha vizzju skumnikat. Kull nhar ta' Sibt filgħodu kienet tiġi għandna xit-tmienja ta' filgħodu u, quddiem tazza tè sħuna, toqgħod tparla m'ommi u jitkellmu fuq kollox u fuq kulħadd (ħlief fuq l-affarijiet li kont inħobb jien). Il-problema hi, li bħal kull Malti tipiku, kien ikollom il-volum ta' leħinhom kemmxejn għoli tant li kienu jqajjmuni min-nagħsa ħelwa li nkun għaddej biha dak il-ħin wara ġimgħa sħiħa nqum fis-sitta u nofs ta' filgħodu. Nervi kbar. Imma dakinhar ma kellix nervi. Kienet ġiet tħabbrilna li rranġat kollox għal safra ta' ġimagħtejn f'qiegħ Sqallija. Konna se nkunu ommi, ziti, t-tifla tagħha u jien - tifel ma' tlett nisa.

Avolja ma kontx naf eżatt x'inhuma, imma fraħt li forsi se nkun nista' nara xi boss mafioso b'xagħaru lura jibbrilla bil-ġelatina, wiċċu jleqq bil-kremi li juża filwaqt li jmexmex xi granita ffriżata tal-lumi.

Morna u wasalna. Niftakar li s-sandwich li kilt mill-ajruplan niżilli għasel. L-ewwel ma rajna kien l-Etna għax jidhirli inżilna fl-ajruport ta' Catania. Tlaqna mill-ewwel fejn kellna noqogħdu f'dawk il-ġimagħtejn u kif ftaħna t-twieqi mill-ewwel laqgħatna dik ir-riħa friska ta' ċaqquf frisk oranġjo li l-isqallin jużaw biex jiksu s-soqfa. Anke l-Etna, xorta baqgħet tidher.

Forsi fost l-affarijiet l-aktar li nibqa' niftakar kien it-tour leader li propjament ma kien tour leader xejn għax kienet tafu ziti l-oħra li kienet toqgħod Sqallija u qabbditu magħna biex idawwarna naqa f'dil-gżira tal-legumi. Kellu rasu żengulija u naħseb kellu madwar ħamsin sena. Wiċċu kien imkemmex sew u xagħaru bajda qotna kemmxejn innuklata. Kien dejjem ikollu nuċċali skur li qatt ma kien ineħħieħ min għajnejh. Seta' kien jagħmel parti minn xi waħda mill-fergħat li kellhom il-mafiosi fi ħdan Sqallija... min jaf! Dak iż-żmien kont nara wisq minn dat-tip ta' stejjer fuq it-TV u anke ġentlom iżavżav bejn spaghettata u oħra fi pjazza kont nistennieh minn ħin għall-ieħor li joħrog xi mitra u jġib lil xi ħadd minna għarbiel.

Niftakar ukoll l-Etna... u l-ħaġar li ġbart min hemmhekk u anke meta żort xi palazz f'Palermo u xi soqfa li kienu qishom tal-Musulmani. Niftakar ukoll id-dawrien ta' Taormina, it-tifrik tal-amfiteatri Griegi u r-remettar li ħareġ minni dakinhar. Dak iż-żmien l-istonku tiegħi qas kien jiflaħ għal aktar minn tlett kwarti karozza u la c-chewing gum u lanqas il-pilloli ma kienu jagħmlu effett. Morna wkoll Agrigento (ex Girgenti), dak li welled lil Luigi Pirandello. Rajt it-tempju ta' Concord u għal mument ħsibtni qed noħlom x'imkien lejn il-Greċja, imma aktar minn hekk, dan Agrigento fakkarni f'Malta meta l-ambjent tagħha kien għadu ma ġiex żverġnat.

Ma nistax niftakar aktar.

Mina [Mazzini]

Mara ta' veru.

ACQUA E SALE (mill-album stupend li kienet ħarġet ma' Adriano Celentano fl-1999)

Semplici e un po' banali
Io direi quasi prevedibili e sempre uguali
Sono fatti tutti così gli uomini e l'amore
Come vedi tanti aggettivi
Che si incollano su di noi
Dai che non siamo poi cattivi
Tu non sei niente male
Parli bene e mi sorprendi quando tiri forte
La tua moto dal motore che sento truccato
E va bene guidi tu che sei brava più di me
E io attendo che sia amore, sai

Ma io sono con te ogni giorno
Perché di te ho bisogno
Non voglio di più
Acqua e sale
Mi fai bere
Con un colpo mi trattieni il bicchiere
Ma fai male
Puoi godere se mi vedi in un angolo ore
Ed ore
Ore piene
Come un lago
Che se piove un po' di meno è uno stagno
Vorrei dire...
Non conviene...
Sono io a pagare amore tutte le pene

Vedi divertirsi fa bene
Sento che mi rido dentro e questo non mi conviene
C'è qualcosa che non va non so dirti cosa
È la tua moto che sta giù
Che vorrei guidare io
O meglio averti qui vicino a me?

Ma io sono con te ogni giorno
Perché di te ho bisogno
Non voglio di più.

Crash

Dalgħodu kelli daqsxejn ta' inċident minimu waqt li kont nofsni rieqed insuq lejn ix-xogħol. Ma tantx għinni biex nibda l-weekend bit-tajjeb imma dawn l-affarijiet sirt neħodhom kif jiġu... impossibli biex fi gżira invażata b'ma nafx kemm-il karozza jirnexxielek tagħmel snin sħaħ ma taħbatx.

Irranġajt mas-sewwieq l-ieħor u filwaqt li kien għaddej dan kollu ftakart f'film mimli daqs bajda b'emozzjonijiet, passjoni u kuluri. L-ewwel ma feġġet f'moħħi kienu l-ewwel ftit kliem li jiġu narrati fil-bidu:

It's the sense of touch. Any real city, you walk, you know? You brush past people. People bump into you. In L.A., nobody touches you. We're always behindthis metal and glass. I think we miss that touch so much that we crash into each other just so we can feel something.

Tgħid aħna l-istess bħal dawk ta' L.A.?

Billy J. McBee

Last Saturday afternoon I had a simple and pleasant photosession with newly established lyricist and composer Billy J. McBee in the heart of Valletta (indoors).

It was a very straightforward session - the newly purchased lights worked wonders, he's a born poser and I broke one of the lights! But no one got hurt and it can be easily replaced. All in all photos came out real well... check them out in people >> 07.

For further info you can also check Billy's website.

Caballus

Kważi sena ilu kien hemm dak l-inċident makabru fejn żiemel sfratta ħdejn Bieb il-Bombi, Furjana u spiċċa mejjet f'għadira demm fuq it-tarmak. Niftakar kienet ixxukjatni dik l-aħbar. Ma kontx fuq il-post biex nara eżatt ix-xena imma l-istampi fuq l-internet ukoll kexkxuni. Ilbieraħ, jien u dieħel lura x-xogħol mill-brejk nara inċident simili li fakkarni f'dak l-episodju. Rajt żiemel kannella skur kważi iswed bil-kuċċier u t-tifel tiegħu mħawdin ma jafux x'se jaqbdu jagħmlu. Fuq il-bankina kien hemm ukoll mara b'idejha ma' ħalqha... qisha qed tħossha ħatja ta' dak kollu li ġara. Ma stajtx nifhem eżatt x'ġara... ma rajtx karozzi mkissrin jew maqlubin. Li naf żgur hu li nġemgħa ħafna traffiku, mhux għax it-triq ingħalqet imma għax dak li jkun beda jnaqqas il-veloċità biex jara kif u x'fatta, tipika kurżità Mediterranja (inkluż jien, għax waqaft ukoll).


Ikolli ngħid dak iż-żiemel ħallieni naqa' perpless il-wara nofsinhar kollu. Stħajjiltu Sansun meta qatawlu xagħaru, jew iljun bla snien, pjanista bla swaba, eżorċista bla fidi.

Anke l-muskoli ta' saqajh donnu ma baqgħux jidhru. Kreatura tarmi s-saħħa spiċċat fix-xejn... xejn.

DUO part VI

This is the end
Beautiful friend
This is the end
My only friend, the end

Of our elaborate plans, the end
Of everything that stands, the end
No safety or surprise, the end
I'll never look into your eyes...again

Can you picture what will be
So limitless and free
Desperately in need...of some...stranger's hand
In a...desperate land

Lost in a roman...wilderness of pain
And all the children are insane
All the children are insane
Waiting for the summer rain, yeah

There's danger on the edge of town
Ride the king's highway, baby
Weird scenes inside the gold mine
Ride the highway west, baby

Ride the snake, ride the snake
To the lake, the ancient lake, baby
The snake is long, seven miles
Ride the snake...he's old, and his skin is cold

The west is the best
The west is the best
Get here, and we'll do the rest

[...]

The Doors

____________________

Forsi l-kliem ta' din id-diska mhuwiex eżattament riflessjoni ta' ħsibijieti imma għal xi raġuni did-diska bdiet għaddejja kontinwament minn moħħi waqt li lbieraħ kont qiegħed inżarma, inġorr u nirringrazzja lil min għinni.

L-Arluġġar

Għandi arloġġ li issa għalaq madwar sentejn jew tlieta mqabbad mal-polz b'xi girfa minuskola 'l hemm u 'l hawn. Kien hemm wisq memorji marbutin miegħu, sbieħ u koroh imma bħal donnu moħħna (jew moħħi biex ma nitkellimx għal ħaddieħor) aktar jiftakar ċar kristall dawk il-koroh. Lili kien jogħġobni imma ġaladarba ridt ninsa l-passat kelli nara x'nagħmel u ma nibqax nilbsu. Warrabtu f'xi kexxun għat-trab u d-dlam u ħallejtu jtektek dik is-sekundiera fil-baħħ t'hemm ġew. F'qalbi għidtlu: "Issa taf x'jiġifieri tkun waħdek eh?"

Għadda ż-żmien u qabżitli kull darba rrid noqgħod niftaħ il-mobajl biex nara x'ħin sar. Iddeċiedejt li nixtri ieħor. Irħejtilha lejn il-belt kapitali u qadt indur naqa. Tiskanta kif meta tkun bit-tir li tixtri tibda tfittex ir-reviews fuq it-tali arloġġ u qisek għal dak il-waqt issir espert.

Wara xi sagħatejn indur għoġobni wieħed partikolari li kien qiegħed għand ħanut ta' ċerta klassi. Flejtu sew minn wara l-vetrina u ttawwalt biex naralu l-prezz - Lm30. Irħis ferm meta tqis il-marka... Tlabt lill-bejjiegħ jiġi jurijuli aktar mill-viċin u lbistu. Wara li għamel xi għaxar minuti jħambaq fuq it-teknoloġija Svizzera ta' dan l-arloġġ fettilli nistaqsih prezzu għall-ġurament:

Jien: "U dan kemm qiegħed?"
Hu: "Six hundred thirty, sir"

Immissjajt is-six ta' qabel, inxift u bħal donnu induna avolja ppruvajt naħbi:

Hu: "But I guess we can make it five hundred seventy..."

Qas li kont Mr. Dubai... rajt kif għamilt u lebbitt il-barra f'radda ta' salib. Mort għand ieħor aktar tal-'fqar'. Il-bejjiegħ kien raġel kemmxejn xiħ, xagħaru minxuta lura pulita bajda qotna, bin-nuċċali u liebes pulit b'ingravata u qmis ikkuluriti. Nissopponi li kien arluġġier minħabba l-mod professjonali kif beda jdaħħal u joħroġ dik il-lenti s-sewda li jkollhom l-arluġġiera. Kellimni b'ġentilezza liema bħalha, qisni kont xi Ministru, stħajjiltu n-nannu li qatt ma kelli.

Waqt li kont qed indur fil-ħanut tiegħu tidħol mara li minn kif bdiet tagħmel dehret li kellha ċerta kunfidenza. Bdiet tgerger għax kellu banketta u kienet ppustjatha ikrah, għax kellu l-vetrina miftuħa u għax kellu l-ħmieġ. Assummejt li hija martu... jew oħtu l-aktar l-aktar. Povru bniedem.

Għażilt dak li ridt u wara li ppruvajtu ntfajt mal-counter biex inħallsu. Sadanittant is-sinjura għebet f'xi kamra fuq wara... u l-arluġġar beda jippreparali l-garanzija u jgeżwiruli f'karta ħadra skura. Kien qed jagħmel kollox b'ċerta kalma u dedikazzjoni. Bqajt ninnutah bir-reqqa... Dan kollu inkiser mal-miġa tas-sinjura. Rajtha ħierġa mill-kamra mnejn daħlet b'tazza kafè f'idha u wara xi ħames sekondi tħares lejh, ħarset lejja u staqsietni:

"Int dan għalik?"

Mingħajr ma tatni ċans nirrispondi dahret fuqu u qaltlu:

"X'qed tirrepjahulu tagħmel la għalih?!"

L-arluġġar għolla ħarstu u ħares lejja b'dawk l-għajnejn tal-ħniena, bejn miksur u bejn ma jafx x'ħa jaqbad jagħmel. Hawnhekk tkellimt jien:

"Iva rigal dak... rigal għalija!"

Issummat u reġgħet daħlet mnejn ħarġet u l-arluġġar kompla jgeżwer.

DUO part V

Ilbieraħ żort daqsxejn il-post tal-eżibizzjoni ħa nara jekk hemmx xi novità imma kollox jidher li għadu stabbli. Kull m'għad fadalla issa ħamest ijiem, sal-5 ta' Marzu. Naf li suppost sad-9 imma peresli xtaq jagħmel xi refurbishments fis-sular ta' fuq kellu jnaqqasielna b'erbat ijiem. Mhux għax f'dawk l-erbat ijiem konna se nsiru sinjuruni imma xorta qarrasna naqa' wiċċna... ħeqq paċenzja. Issa lanqas biss irrid naħseb f'nhar il-ħadd filgħaxija meta se nkun qiegħed inżarma kollox. Forsi iż-żarmar ta' eżibizzjoni hija waħda mill-aktar affarijiet melankoliċi li jeżistu... flimkien max-xjuħija, il-mewt u l-ħdud wara nofsinhar.

Bħalissa qiegħed nisma' lil Mogwai ukoll - grupp alternattiv bl-ikrah, mhu popolari xejn... u m'għandux għalfejn ikun. Waħda mid-diski tagħhom jisimha Stanley Kubrick. Ir-raġuni? Ma nafhiex imma naf li d-diska dejjem tfakkarni fil-film spettakolari ta' dan id-direttur, ċioè 2001: A Space Odyssey.

Naf li kien hemm drabi oħra meta semmetju dal-film, imma jkolli nammetti li jaffaxinani u jispirani immensament. Inġibed tmienja u tletin sena ilu u xorta għadu jqanqal mistoqsijiet, dubji u teoriji varji oħra. Naħseb il-kritiċi tal-films qabżitilhom jiddiskutuh u wisq naħseb li lanqas Kubrick stess ma kien kapaċi jagħti spjegazzjoni u joffri loġika lil dal-film.

Ikolli nammetti li għall-bidu lili m'għoġobni xejn xejn (xi ftit żmien ilu skoprejt li anke l-kbir Woody Allen ma kien daqqlu xejn), l-ewwelnett għax il-films tal-fantaxjenza mhumiex eżattament il-films ideali tiegħi u t-tieni għax rajtu mtawwal iżżejjed. Imma erġajt ippruvajt narah drabi oħra u xejn, ġibidni fil-belliegħa tiegħu. Hemmhekk tinduna x'inhu validu u ġenwin u x'mhuwiex.

Pero id-direttur Kubrick, kull meta niftakar fih, dejjem iwaqqani down. Ta' 17-il sena kien diġà mfittex bħala fotografu prim u kien jaħdem mal-magazin Look li hu magazin ta' ċerta kalibru (ta' 17-il sena qas camera ma kont għadni naf naqbad bejn idejja). Ta' 23 sena kien diġà faddal xebgħa flus u għamel l-ewwel film tiegħu ta sittax-il minuta li kien aktar jixbah lil dokumentarju milli lil film u kien jittratta fuq boxer eroj tiegħu. Telaq il-qasam tal-fotografija u ntefa' b'ruħu u ġismu fil-film-making. Sentejn wara, jiġifieri fl-1953, ġabar $13,000 u pproduċa l-ewwel film veru tiegħu; Fear and Desire. Min hemm il-quddiem huwa storja.

U jien? Almenu naf nibbloggja...